|
Ze più fasile ridere o piangere? Ze meio
un pestòn sul fetòn o un baso in boca coa lingua? Se vive meio vardando
el lato positivo dela vita e afrontando anca le robe pezo co un poco de umorismo:
"Sto ano gò deciso de pagare le tasse co un soriso… ma lori voleva
i schei!"
Le Bronse Querte, smissia le carte, rancura
dal magazin dele ridade i mejo tochi del so repertorio e pastura co boressi e
sganassade ala pesca del'otimismo.
Ma dadrio el cantòn ze sempre in aguato el lato scuro dele robe, l'omo
nero che ne rosega a cossiensa, la depression che nasse da na vita vissùa
massa de pressa: i ze i "sganassoni", pugni sul stomego che ne cava
el fià, "scantabauchi" che ne riporta ala realtà. E infine
l'ironia, che ne iutà a tirare fora tuto queo che gavèmo sconto
dentro: "Te lo gò dito ridendo, ma te le gò dito !".
Per informazioni e prenotazioni :
tel. 348.2424749 - 347.2231851
|
